منتديات طيور الجنة مصر
اهلا وسهلا بك يازائر
قم بالتسجيل بالمنتدى ولن تخسر
واذا كنت عضو بالمنتدى
قم بتسجيل دخولك
تحياتي ادارة المنتدى


المنتدى الرسمي لطيور الجنة مصر
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 تقريرعن الانمي رابنزل

اذهب الى الأسفل 
كاتب الموضوعرسالة
نادين

avatar

عدد المساهمات : 855
~لقد سجلت في~ : 08/08/2011
العمر : 19
~موقعك~ : ام الدنيا مصر الحبيبه

مُساهمةموضوع: تقريرعن الانمي رابنزل   الجمعة سبتمبر 30, 2011 7:26 am


تبغو تعرفو قصة ربانزل RapunzeL ؟؟!!؟




يمكن في ناس مرا عليها دا الاسم قبل كدا




لكن فيه كتير مايعرفوو قصة ربانزل




قصة ربانزل من القصص العالمية والخيالية كماان





اناا قريتهاا في كتاب عندي اسموو قصص ماقبل النوم




وقبلوو اتفرجتوو في فلم باربي تكون البطلة هيا ربانزل





طيب ايش هياا القصة ؟؟!!؟




نقرتين لعرض الصورة في صفحة مستقلة




إنو كان في رجال ومرتوو يعيشوو مع بعض



ومرت تلاتة سنوات او أكتر و ما جابو بزورة




و مرة من المرات كانت الام بتتفرج من الطاقة للحديقة اللي قدام بيتهم




و هادي الحديقة حقتها ساحرة شريرة



وقدام هادي الحديقة كان في سور عالي محد يقدر يدخل حديقتها





بس هادي الأم نزل عينها ع الفجل اللي في الحديقة



و مررا أشتهتوو



نقرتين لعرض الصورة في صفحة مستقلة



وسار يوم و يومين وهيا مررا نفسها فيلوو




قالت لجوزها انوو هيا مشتهيتوو وحاسة انها حيسيرلها شي لو ما اكلت منوو




جوزها خاف عليها انها تموت او يسرلها شي




فقال في نفسوو انو لازم يجيب لمرتوو اللي هيا مشتهيتوو




قام استنا أليين ما جا الليل ولمن جا الليل دخل ع حديقت الساحرة




و أخد من الفجل حقها وجاب لمرتوو الفجل و أكلتوو




بس هيا لسا مشتهيتو وتبغا تاني




قام برضوو أستنا الين ما يجي الليل عشان يجيب لمرتو من الفجل




ولمن سار الليل وجا يبغا ياخد من الفجل




شافتوو الساحرة




و علشان صرق من فجلها اتوعدتوو بأنها تسحروو




و الرجال المسكين جلس يعتزر منها




وبيقلها انو مرتوو أشتهتوو بالمرة لمن شافتوو من طاقت بيتهم




الساحرة سامحتوو




نقرتين لعرض الصورة في صفحة مستقلة




بس اشترطت انو لمن مرتوو تجيب البزرة هيا تاخدوو وتسير هيا اموو



والرجال من خووفو رضي ع الشرط دا بسرعة



ومرت الشهوور و الأم جابت البنت دي



الساحرة اخدتها من امها وسمتها ربانزل




نقرتين لعرض الصورة في صفحة مستقلة




بعد داكا اليوم امها و ابوها ما شافوها



وكبرت هادي البنت عند الساحرة



وسارت بنت بالمرة حلواا وكان شعرها مررا طوويل




ولمن البنت سار عمرها 12 سنة



حبستها الساحرة في برج في محل محد ما يعرفوو وسط الغابة



كان هادا البرج ما فيلوو أي باب او أي شي تقدر ربانزل تخرج منوو
وكل يوم في الصباح الساحرة تروح تشوفها

لمن تجي نبغا تشوفها


تنادي عليها وتقول


" ربانزل " ربانزل "


و ربانزل تنزل شعرها الطوويل اللي يوصل الارض من الطاقة حقت البرج


و الساحرة تتسلق ع شعرها اللين ما توصلها



نقرتين لعرض الصورة في صفحة مستقلة


و يوم من الايام

كان في امير بيتجول في الغابة


وفجاة

يسمع أحد بيغني وكان الصووت مررا حلوو


نقرتين لعرض الصورة في صفحة مستقلة


و دور ع الصوت دا اليين ما وصل عند البرج


شاف ربانزل جالسة عن الطاقة وبتغني


هوا مررا عجبوو صوتها


وكل يوم كان يرووح عندها ويسمعها وهيا بتغني


ومرة من المرات كان يبغا يطلعلها بس ما لقا شي يوصلو عندها


ويوم من الايام شاف الساحرة وهيا بتتسلق ع شعرها


وفي اليوم التاني سووا زي ما سوت الساحرة


واتسلق بشعرها و وصلها



نقرتين لعرض الصورة في صفحة مستقلة



في البداية خافت ربانزل لانها شافت رجال


لانوو هيا عمرها ما شافت انسان غير ديكا الساحرة في حياتها


نقرتين لعرض الصورة في صفحة مستقلة


بس الامير كان مررا طيب وربانزل حبتوو


وكل يوم في الليل يجي يشوفها


لانو في الصباح الساحرة تجي عندها



نقرتين لعرض الصورة في صفحة مستقلة



ويوم من الايام ربانزل زي الطيبة تقول للساحرة

انتي كيف بصعوبة تطلعي هنا

والامير ولد الملك يطلع بسهولة

الساحرة انقهرت لانو كان في بالها انها عزلتها من الدونيا

ومحد يعرف مكانها

و الساحرة خرجت مقص وقصت شعر ربانزل الطويل


نقرتين لعرض الصورة في صفحة مستقلة


واخدت ربانزل لمكان مهجور وتركتها عشان تموت

ورجعت لداكا البرج واستنت الامير يجي

وفي الليل جا الامير ولمن الساحرة شافتوو

نزلت شعر ربانزل اللي قصتلها هوا

والامير انسلق

ولمن طلع البرج لقا الساحرة وما كان لربانزل اسر غير شعرها في يد الساحرة

الامير سأل الساحرة وقلها فين ربانزل

قالتو

ربانزل بعد اليوم محا تكون هنا وتجلس تغنيلك

زعل الامير بالمرة

بس الساحرة سحرتوو وسار ما يقدر يشووف

ومرت السنييين


نقرتين لعرض الصورة في صفحة مستقلة نقرتين لعرض الصورة في صفحة مستقلة نقرتين لعرض الصورة في صفحة مستقلة

ويوم من الايام سمع صوت وكان هادا الصوت هوا صوت ربانزل

اتبع الصوت اليين ما وصل لربانزل

لمن ربانزل شافتوو كدا

حطت راسها ع كتفوو وسارت تبكي

وجا ع عين الامير من دموع ربانزل

ولمن جا دموعها عليه

سار يقدر يشوف وبعدين الامير اخد ربانزل لقصروو


نقرتين لعرض الصورة في صفحة مستقلة


وهناك شافت القصر والقرية اللي يعيش فيها الامير

و اتجوزت ربانزل الامير

وبين الناس اللي كانوو يعيشوو في القرية

كان في امها وابوها

ولمن سمعوو انو الامير اتجوز بنت اسمها ربانزل

راحوو للقصر وشافوها

وعرفت ربانزل انو دولا امها وابوها

وعاشو امها وابوها معاها في القصر

وبعد داكا اليوم محد عرف ايش سار للساحرة الشريرة

وعاشو حياه سعييدة



نقرتين لعرض الصورة في صفحة مستقلة


وتوتة توتة وخلصت الحتوتة

lol! lol! lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
maryam

avatar

عدد المساهمات : 439
~لقد سجلت في~ : 11/08/2011
العمر : 20
~موقعك~ : جدة

مُساهمةموضوع: رد: تقريرعن الانمي رابنزل   الجمعة سبتمبر 30, 2011 1:28 pm

شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نادين

avatar

عدد المساهمات : 855
~لقد سجلت في~ : 08/08/2011
العمر : 19
~موقعك~ : ام الدنيا مصر الحبيبه

مُساهمةموضوع: رد: تقريرعن الانمي رابنزل   الجمعة سبتمبر 30, 2011 1:30 pm

عفوا على الرد الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تقريرعن الانمي رابنزل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طيور الجنة مصر :: قسم الثقافة والتطور :: •:**:•. ][ ( مقاطع الفيديو والبلوتوث ) ][.•:**:•.-
انتقل الى: